Hvernig ertu í þríglýseríðunum?

Hefurðu velt þríglýseríðunum fyrir þér? Veistu hvernig það virkar á þig? Á vef Hjartaverndar er að finna útskýringar á hugtökum sem tengjast hjarta- og æðasjúkdómum. Þar segir að þríglýseríðar sé forðafitan sem ferðast í blóðinu og sem stuðli að æðakölkun svipað og kólesteról í blóði gerir. Gildi þess í blóði er háð fæði og eftir máltíðir, sérstaklega fituríkar máltíðir, hækkar gildi þess og nær hámarki eftir 2-3 klst. Gildið er hærra hjá of feitum en líkamleg áreynsla lækkar það. HDL kólesteról (góða kólesterólið) og þríglýseríð eru nátengd þannig að háir þríglýseríðar valda lágu HDL og öfugt. Háir þríglýseríðar auka hættu á sykursýki. Æskilegt er að þríglýseríðar séu undir 1,7 mmól/l.^[1]

Það er ekkert um það að villast að lífsstíllinn spilar hér stórt hlutverk því of háir þríglýseríðar tengjast einfaldlega hvernig við kjósum að næra okkur og koma fram við okkur sjálf, nokkuð sem auðvelt er að vinna bug á og minnka áhrifin svo öllum líki, eða kroppnum og huganum.

Inngrip og meðferðir v. þríglýseríðhækkunar

Í grein sem birtist í European Heart Journal þar sem fjallað var um inngrip vegna þríglýseríðhækkunar í blóði, þar með talið matarræði og lífsstíl, segir að í nýlegum rannsóknum hafi komið í ljós hve stór þáttur þríglyseríð sé í æðakölkun. Meðferðir fari algjölega eftir hættunni á hjarta- og æðasjúkdómum eða allt frá fitusýrum til lyfja.^[2]

En hvernig getum við unnið sjálf að því að halda þríglýseríð í lágmarki?

Við getum gert heilmargt til þess. Í grein á vef Mayo Clinic er t.d. rætt um af hverju þríglýseríð skiptir máli og hvað megi gera til að minnka áhrif þess. Þar segir að of hátt þríglýseríð auki hættuna á hjarta- og æðasjúkdómum, háum blóðþrýstingu, háu sykurmagni í blóði og háu kólesteróli. Það sé því til nokkurs að vinna með því að stuðla því í lágmarki þríglýseríð.

Þar kemur einnig fram að það besta sem einstaklingur geti gert sé að:

1. Hreyfa sig reglulega.
2. Forðast sykur.
3. Létta sig (þyngdarstjórnun).
4. Velja heilbrigðari fitur. Skipta út dýrafitu fyrir plöntufitur eins og hreinar olíur, hnetur, möndlur, hörfræ, feitur fiskur, ólífur og lárpera (avakadó) og borða trefjaríkan mat.
5. Drekka alkohól í hófi.^[3]

Það er því allt að vinna með því að halda þríglyseríðinu í lágmarki og þar kemur næring við sögu og til að ná bestu mögulegri næringu er gott að taka fæðubótarefni sem stuðla að heilbrigði.

Þyngdarstjórnun

Eins og hér hefur komið fram þurfum við öll á fitu að halda en of mikið af því góða getur leitt til heilsubrests. Kítósan (Liposan™) er íslensk hráefni sem kemur frá Siglufirði, og er eitt af þeim náttúrulegu efnum sem við setjum í fæðubótarefni Eylífar. Í rannsókn sem gerð var á Kítósan kom í ljós að eftir átta vikna inntöku sást marktæk breyting á þyngd þeirra sem tóku þátt því þau léttust á meðan hinir sem tóku lyfleysu léttust ekki. Dagleg inntaka af hreinu Kítósan í sex mánuði sýndi að hjá þeim sem áttu við offitu að stríða þá lækkaði blóðþrýstingurinn í takti við fækkum kílóa. Það segir sig þess vegna sjálft hve auðveld ákvörðun það var að taka Kítósan inn í okkar fæðubót. Þegar þarmaflóran, slímhúðin, þarmarnir og kólesteról í blóði njóta góðs af Kítósan þá gerum við líka. Kítósan er einnig mjög áhrifaríkt til að lækka slæma kólesterólið í blóði (LDL) en það þarf þá að taka 3 grömm af efninu á dag. Hægt er að sjá nánar um fullyrðinguna hér^[4]. Kítósan er eftirsóknarvert hráefni til að vinna að þyngdarstjórnun og má lesa hér um samstarf á milli sérfræðinga hjá Primex á Siglufirði og sérfræðinganna hjá Matís um áhrif efnisins á þarmaflóru og þyngdarstjórnun^[5].

Við hjá Eylíf fylgjum náttúrunni í allri nálgun í átt að betri heilsu.

Heilsan er dýrmætust og hvetjum við hjá Eylíf til hreyfingar, passa upp á svefnsins, huga að heilsusamlegu matarræði ásamt því að gæta að vítamínbúskapnum.  Stronger LIVER er ein af okkar afurðum sem við höfum unnið að síðustu ár enda ætluð mikilvægri líkamsstarfssemi. Með því að huga að lifrinni sérstaklega erum við að stuðla að eðlilegum fituefnaskiptum og frekari næringu fyrir þarmaflóruna.

Kítósan er íslenskt fæðubótarefni og er eitt af innihaldsefnunum, en það eru náttúrulegar trefjar sem eru ensým úr rækjuskel. Kítósan hefur þann góða eiginleika að draga í sig fituefni í meltingavegi. Við bætum við íslensku jurtinni, ætihvannarrót sem hefur verið notuð við meltingatruflunum í gegnum aldirnar. Ætihvönnin er þekkt fyrir sín góðu áhrif á líkamann og þá sérstaklega meltinguna. Til að styrkja blönduna enn frekar bættum við kólín og mjólkurþistli við og gerir hana enn öflugri fyrir starfsemi lifrar. Það er komin góð reynsla á Stronger LIVER og er hægt að sjá reynslusögur hér.^[6]

---

Heimildir:

^[1] https://hjarta.is/fraedsla/ – skoðað 5.febrúar 2023

^[2] https://www.ncbi.nlm.nih.gov/pmc/articles/PMC6938588/ – skoðað 5.febrúar 2023

^[3] https://www.mayoclinic.org/diseases-conditions/high-blood-cholesterol/in-depth/triglycerides/art-20048186

^[4] https://www.eylif.is/innihaldsefni/kitosan-hrein-islensk-hraefni/

^[5] https://matis.is/frettir/ahrif-trefjaefnisins-kitosans-a-tharmafloru-og-thyngdarstjornun/

^[6]https://www.eylif.is/reynslusogur/stronger-liver/