Steinunn Ketilsdóttir, náms- og þróunarfræðingur hjá JBT Marel, hefur lengi glímt við meltingarvandamál. Hún var 18 ára þegar hún fann fyrst fyrir ristilkrampa. Hægðavandamál hafa sömuleiðis verið viðvarandi. Steinunn telur þennan kvilla ættgengan. Hún öðlaðist nýtt líf með Happier GUTS frá Eylíf.
Steinunn hefur sinnt annasömum störfum hjá JBT Marel síðustu ár, meðal annars unnið kennsluefni fyrir vélar og hugbúnað. Hún er með meistarapróf í viðskiptafræði og hefur starfað við námsefnagerð í tíu ár eða síðan hún fór að kenna í Stjórnendanáminu sem er á vegum Símenntunar Háskólans á Akureyri ásamt því að leiða fagráð námsins í dag.
Starfinu hjá JBT Marel hafa fylgt mikil ferðalög um heiminn sem jafnframt var talsvert álag. „Að vera með meltingarvandamál getur verið mjög streituvaldandi. Maður vill alltaf vera nálægt salerni því meltingartruflunum fylgir oft bráður niðurgangur eða erfið hægðarstífla. Hvort tveggja hefur slæm áhrif á líðan, hvort sem það er andleg eða líkamleg,“ útskýrir Steinunn og bætir því við að hún hafi haldið jafnvægi að mestu með því að taka inn trefjar og góðgerla sem hafi ekki alltaf leyst vandamálið.
„Mér fannst meltingartruflanirnar versna eftir að ég fór á breytingaskeiðið og í fyrra var ég orðin mjög slæm. Ég var búin að prófa alls kyns lyf sem fást án lyfseðils án árangurs. Ég átti erindi í apótek og sá þá Happier GUTS frá Eylíf sem ég hafði heyrt góðar sögur af og ekki verra að þetta er íslensk vara, framleidd úr náttúrulegum hráefnum. Ég ákvað að prófa og árangurinn var undraverður fljótt,“ segir hún.
Steinunn segist ekki hafa leitað læknis vegna þessa vandamáls sem hefur þjakað hana frá því hún var unglingur, fannst vandræðalegt og niðurlægjandi að ræða þetta. „Sem betur fer hefur sú hugsun breyst,“ segir hún og hlær. „En ég fékk bara nýtt líf þegar ég byrjaði að taka inn Happier GUTS – það varð svo mikil breyting á líðan minni. Ég var svo hissa að ég spurði gervigreindina hvað væri í vörunni sem gerði þetta að verkum. Hún svaraði því til að það væri ákveðið efni í Happier GUTS sem héldi jafnvægi í meltingarflórunni.
Heilbrigð melting er grunnurinn að góðri heilsu.
Ég finn strax mun til hins verra ef ég gleymi að taka hylkin. Ég ætla því svo sannarlega að halda áfram að taka inn Happier GUTS enda get ég mælt hundrað prósent með því. Ég er til dæmis minna uppþembd og bólgin,“ segir Steinunn en þess má geta að Happier GUTS örvar meltingarstarfsemi og nærir þarmaflóruna. Varan inniheldur Kítósan sem eru náttúrulegar trefjar úr rækjuskel og hafa rannsóknir sýnt að þarmaflóran nýtur góðs af.
Happier GUTS fæst í flestum apótekum, Hagkaup, Heilsuhúsinu, Fjarðarkaup, Nettó og á eylif.is þar sem einnig má lesa nánar um innihald vörunnar
