Geðheilir þarmar

Þú ert það sem þú borðar er frasi sem við heyrum oft og lætur nærri lagi því tengsl sjúkdóma og meltingarvegarins eru töluverð skv. hinum ýmsu rannsóknum sem hægt er að lesa um á veraldarvefnum. Heilbrigð þarmaflóra er því gríðarlega mikilvæg fyrir almennt heilbrigði. Þannig hefur verið sýnt fram á að röskun á þarmaflórunni með viðeigandi áhrifum á ónæmiskerfið og taugakerfið getur leitt til allskyns sjúkdóma s.s. þunglyndis og annarra geðsjúkdóma.[1]

Vísindamenn og heilbrigðisstéttir eru því farin að gefa þarmaflórunni meiri gaum því heilbrigð þarmaflóra viðheldur heilbrigðu ónæmiskerfi, hún stjórnar einnig ýmsum efnaskiptum og berst gegn óhagstæðum bakteríum.

Og af því að þessi áhrif eru til staðar þá gefur það auga leið að hægt er að hafa jákvæð áhrif á geðheilsuna með því að huga vel að þarmaflórunni, byggja hana upp og styrkja.

Matarræði, hreyfing, langvarandi streita og svefnleysi eru allt atriði sem hafa áhrif á þarmana og meltinguna sem við getum unnið með og hjálpað þar af leiðandi okkur sjálfum.

Heilsan er dýrmætust segjum við hjá Eylíf og þykir okkur fátt eins mikilvægt og að halda meltingunni og þarmaflórunni í góðu lagi þar sem hún spilar lykilhlutverk í andlegri og líkamlegri heilsu.

Geðheilir þarmar eru því eftirsóknarverðir og með því að veita matarvenjum athygli, borða mikið af trefjum sem fást úr ávöxtum, grænmeti, baunum og hnetum, hreyfa sig a.m.k. 30 mínútur á dag, stjórna streitu, gæta svefns og huga að vítamínbúskapnum getum við breytt geðheilbrigði okkar til hins betra. 

Geðheilir þarmar

 

[1] https://www.sciencedirect.com/science/article/pii/S0149763411002120